Во Јакутија 21 дијамант ќе добијат имиња по херои од Втората светска војна

alrosa.ru

Оваа година по повод Денот на Победата 21 голем дијамант, изваден на јакутските наоѓалишта, ќе добие име по херој од Втората светска војна од Јакутија.

Изминативе години во дијаманти се овековечени имињата на четворица херои од Втората светска војна од Јакутија. Тоа се „Снајперистот Охлопков“, „Херојот Попов“, „Херојот Степанов“ и „Херојот на Советскиот Сојуз Н. А. Кондаков”.

Во јануари оваа година уште еден крупен дијамант доби име по херојот на Советскиот Сојуз Сергеј Александрович Асјамов.

Од прес-службата на раководителот и владата на Република Јакутија соопштија дека до 9 мај ќе бидат овековечени имињата на сите борци од Јакутија кои извршиле подвиг и добиле звање херој.

На дијамантите потешки од 50 карати, на иницијатива на раководителот на регионот Ајсен Николаев, а со поддршка на генералниот директор на компанијата „АЛРОСА” Сергеј Иванов, ќе им бидат доделувани и имиња на други заслужни личности кои значително придонеле за развојот на републиката. Меѓу другото, ќе бидат овековечени имињата на Хероите на социјалистичкиот труд. Вкупно до 2022 година, кога републиката одбележува 100 години од основањето, имиња ќе добијат 100 дијаманти.

 

 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња