Моменти на мир во животот: Објавени уникатни семејни фотографии на советските војсководци

Министерство за одбрана на РФ
Министерството за одбрана на Русија во пресрет на прославата на 74-годишнината од Победата во Големата Татковинска војна објави посебна рубрика во која се објавуваат уникатни семејни фотографии на војсководци.

Проектот „Војсководците на Победата: Моменти на мир во животот“ е реализиран во соработка со Фондот на сеќавањето на војсководците на Победата и е посветен на секојдневието на командантите на вооружените сили на СССР во Големата Татковинска војна.

Маршал Георгиј Жуков на одмор во Сочи.

На сајтот на министерството се поставени фотографии од семејните албуми на војсководците кои претходно не се објавувани, а се направени во мирнодопски услови.

Константин Рокосовски на лов.

На пример, во рубриката постојат фотографии од маршалите на Советскиот Сојуз Георгиј Жуков на одмор во Сочи и Константин Рокосовски во лов, како и од главниот маршал на тенковските трупи Амазасп Бабаџањан како танцува со сопругата и Семјон Буѓони со малиот син во војничка униформа.

Амазасп Бабаџањан со сопругата.

По прославата на 74-годишнината од Победата во Големата Татковинска војна експозицијата на фотоизложбата ќе можат да ја видат воените лица, жителите и гостите на Владивосток, Екатеринбург, Ростов на Дон, Санкт Петербург, Североморск и Хабаровск.

Семјон Буѓони со синот.

Минатата недела Министерството за одбрана на РФ објави уникатни документи за борбите за Крим во Големата Татковинска војна кои претходно беа под печатот на државна тајна.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња