Пред 143 години: Роден ориенталистичкиот уметник и филозоф Николај Рерих

Археологот и уметник Николај Рерих е роден на 9 октомври 1874 година. Неговата уметност е разновидна, од православни фрески и икони до слики со фолклорни ликови. Тој исто така е театарски уметник и дизајнер на некои од балетите на Дјагилев во Париз.

По Револуцијата од 1917 година, Рерих - кој живеел во Финска во тоа време - не може да се врати во Русија, па затоа се преселува во Лондон, пред да започне огромна уметничка и лекторска турнеја низ САД. На крајот го исполнува својот сон за патување во Централна Азија .

Просветителот и филозоф Рерих е заинтересиран за спиритизмот и заедно со неговата сопруга Елена Рерих е творец на духовното учење Агни Јога. Тој се спротивставува на советскиот режим и ги повторува темите на комунизмот и будизмот во неговите книги.

Денес постојат неколку музеи посветени на Рерих низ целиот свет, додека неговите слики се изложени во некои од најпознатите светски галерии.

При користење на материјалите на Russia Beyond задолжителен е хиперлинк до изворот од кој е преземен материјалот.