На денешен ден: Пред 58 години лансирана советската вселенска сонда „Луна 2“

На 12 септември 1959 година во 8:40 часот од космодромот Бајконур беше лансирана ракетата „Восток-Л“, со која беше испратена вселенската сонда „Луна 2“ (исто така позната како „Луник 2“) на својата траекторија кон Месечината. Следниот ден, сондата стана првиот уред, направен од човекот, кој слета на Месечината.

„Луна 2“ носеше комплет со советски ознаки на површината на Месечината. Моментот на слетувањето беше забележан од страна на советските и странските опсерватории, но потоа радио сигналот исчезна.

Најверојатно, ниту „Луник“ ниту комплетот не преживеаја поради тоа што удрија во површината на Месечината со брзина од околу 12000 км/ч.

На 15 септември 1959 година, советскиот лидер Никита Хрушчов му подари на американскиот претседател Двајт Ајзенхауер копија од комплетот како подарок, кој денес се чува во Претседателската библиотека и музеј „Ајзенхауер“ во државата Канзас.

При користење на материјалите на Russia Beyond задолжителен е хиперлинк до изворот од кој е преземен материјалот.