„Гаспром“ потпиша договор за испорака на 4,5 милијарди кубни метри гас годишно на Унгарија

„Гаспром“ потпиша долгорочен договор на 15 години за испорака на 4,5 милијарди кубни метри гас годишно на Унгарија, се наведува во соопштението на рускиот холдинг.

„Во Будимпешта „Гаспром експорт“ и MVM CEEnergy Ltd. склучија два долгорочни договори за испорака на руски гас на Унгарија“, се наведува во соопштението. Вкупниот обем на испораките е максимум 4,5 милијарди кубни метри гас годишно, а рокот на важност на договорот е 15 години.

Унгарија веќе од 1 октомври ќе започне да добива гас од „Гаспром“ преку „Турски тек“ и гасоводот на Југоисточна Европа, истакна претседателот на управата на компанијата Алексеј Милер.

„Значајна компонента на новите договори е диверзификацијата на маршрутите за испорака. Веќе од 1 октомври Унгарија ќе почне да добива гас од „Гаспром“ преку „Турски тек“ и гасоводот на Југоисточна Европа. Тоа е овозможено во голем дел благодарение на напорите на бугарските, српските и унгарските компании во развојот на националните гасоводни системи“, рече првиот човек на „Гаспром“.

Во 2020 година „Гаспром“ ѝ испорача на Унгарија 8,6 милијарди кубни метри гас. Тоа е втор по ред показател за последните 12 години.

При користење на материјалите на Russia Beyond задолжителен е хиперлинк до изворот од кој е преземен материјалот.