Од лента слезе 30-милионитата „Лада“ (ВИДЕО)

lada.ru
Од производствената лента на АвтоВАЗ во Толјати во четвртокот, 24 септември, слезе 30-милионитиот автомобил LADA. Исто така, во 2020 година фабриката одбележа 50 години од производството на своето прво возило.

Како што соопшти прес-службата на АвтоВАЗ, јубилејниот автомобил е седан LADA Grantа во црвена боја во специјалната верзија #CLUB. Во иднина тој ќе биде еден од експонатите во корпоративниот музеј на претпријатието. А со оглед на тоа дека оваа година за АвтоВАЗ е исто така јубилејна, на свеченоста по повод производството на 30-милионитото возило се појави и легендарниот ВАЗ-2101, популарниот „Жигулиˮ. Првото возило е произведено во април 1970 година.

Процесот на монтажа на јубилејната „Лада“ е забележан на видеоснимка и прикажан како тајмлапс.

Денес во фабриката во Толјати се склопуваат автомобилите од семејството на LADA - Granta, Largus, Xray, Niva и 4x4, моделите Renault Logan и Sandero, како и Datsun on-Do и mi-Do. Во монтажната постројка во Ижевск се произведуваат седаните и караваните LADA Vesta.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња