Можно поместување на роковите за завршување на работите за изградба на гасоводот „Северен тек 2“

Изградба на гасоводот „Северен тек 2“. Илустрација.

Изградба на гасоводот „Северен тек 2“. Илустрација.

Reuters
Роковите за завршување на изградбата на гасоводот „Северен тек 2“ би можеле да бидат поместени. Никаква итна потреба од завршување на изградбата на гасоводот „Северен тек 2“, имајќи ја предвид битно намалената побарувачка на гас во Европа и ниските цени на овој енергенс во регионот, не постои. А тоа значи дека претходно предвидените рокови за завршување на проектот е целисходно да се поместат, сметаат повеќето аналитичари, соговорници на руската новинска агенција ТАСС.

Претседателот на Русија Владимир Путин рече во јануари дека завршувањето на изградбата на гасоводот ќе биде поместено неколку месеци. Работите на изградбата на цевководот и негово пуштање во работа се предвидени за крајот на оваа или првото тромесечје на следната година.   

Како најизгледна варијанта за завршување на проектот притоа се појави ангажирањето на бродот „Академик Черски“ што од 2016 година  го користи ООО „Гаспром флот“. Во февруари овој брод го напушти пристаништето Находка на Далечниот Исток и се упати кон Сингапур, а потоа заобиколувајќи ја Африка, неколку пати менувајќи ја рутата, пристигна на Канарските острови. Рутата понатаму водеше до пристаништето Абердин во Велика Британија. Меѓутоа, бродот во неделата ја промени дестинацијата, повторно наведувајќи ја Находка (пристигање на први јули). Во овој момент, според информациите од порталите кои се занимаваат со следење на движењето и позициите на бродовите, пловилото повторно минува низ Ламанш.

„Сите одлуки за „Северен тек 2“ се носат на највисоко ниво. И можно е таа промена на рутата да ги одразува колебањата и сомнежите во целисходноста и можноста за продолжување на изградбата, сега, во актуелните пазарни услови“, рече аналитичарот на „Финам“ Алексеј Калачов, претпоставувајќи дека комплицираната рута на „Академик Черски“ може да биде и свртување на вниманието.

Стручњаците истакнуваат дека 2020 година не почна мошне добро за добавувачите на „синото гориво“. Според податоците на Gas Infrastructure Europe од 25 април, нивото на пополнетост на подземните складишта на гас во Европа се наоѓа на рекордни 60,8 отсто. На тој ден лани овој показател изнесуваше 47,7 отсто. Освен тоа, со оглед на вишокот на гас во регионот, цените продолжуваат да паѓаат.

 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња