Путин објасни која е разликата меѓу денешните милијардери во Русија и олигарсите од деведесеттите

Скриншот/TASS
Претседателот на Русија Владимир Путин ја објасни разликата меѓу денешните милијардери во Русија и тајкуните од деведесеттите години на минатиот век, попознати како „олигарси“.

На оваа тема тој зборуваше во интервјуто за новинската агенција ТАСС, во склоп на специјалниот проект „Дваесет прашања за Владимир Путин“.

Како што објасни рускиот претседател, во деведесеттите и двеилјадитите години олигарсите влијаеја на донесувањето државни одлуки како по прашањето на внатрешната политика, вклучувајќи ја и економијата, така и во доменот на надворешната политика. Според неговите зборови, таквата ситуација е недозволива.

„Раководителите на компаниите во овој момент немаат такви привилегии“, рече Путин.

Шефот на руската држава истакна дека во современа Русија сериозно влијание на тајкуните врз власта не е ни можно и тие добро го сфатиле тоа.

„Дури и не влегуваат во политика“, нагласи Путин.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња