Договорот за слободна трговија меѓу Србија и ЕАЕУ може да биде потпишан на 25 октомври

Global Look Press
Договорот за слободна трговија на Евроазиската економска унија (ЕАЕУ) и Србија би можел да биде потпишан на 25 октомври, изјави рускиот амбасадор во Србија Александар Боцан-Харченко.

„На дваесет и петти октомври се очекува потпишување на договор за слободна трговска зона меѓу Србија и Евроазиската економска унија. Ова е важен настан, медиумите му посветуваат особено внимание. ЕАЕУ е ефикасен проект за интеграција кој одговара на современите потреби“, напиша Боцан-Харченко на Твитер.

Претходно во август премиерот на Русија Дмитриј Медведев изјави дека е неопходно да се забрзаат процедурите за потпишување  договори за слободна трговија на ЕАЕУ со Србија и Сингапур, пренесува агенцијата РИА „Новости“. 

„За Белград реализацијата на овој документ ќе значи сосема нова фаза на присуство на просторот на Евроазија, излегување на пазар со 182 милиони потрошувачи и вкупен бруто домашен производ од 1,9 билиони американски долари. Во перспектива Србија може да стане една од алките што го поврзуваат просторот меѓу ЕУ и ЕАЕУ“, додаде рускиот амбасадор.

Евроазиската економска унија е формирана врз основа на Царинската унија и Единствениот економски простор. Функционира од 1 јануари 2015 година. Членки на ЕАЕУ се Ерменија, Белорусија, Казахстан, Русија и Киргистан. Во 2018 година Молдавија доби статус на набљудувач при ЕАЕУ.

Прочитајте повеќе: Зошто Русија инсистира на Евроазиската унија

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња