🎅 Зошто рускиот Дедо Мраз носи ЦРВЕНА бунда?

29 декември 2023

Првите новогодишни прослави во градинките и училиштата, триесеттите години.

Давид Шоломович/Sputnik

Белким не го копира Санта Клаус? Разбиваме уште еден мит за гардеробата на Дедо Мраз!

Ве очекуваме на Телеграм-каналот https://t.me/rb_makedonija
Вклучете го во пребарувачот „Show notifications“ (дозволи известувања) за нашиот сајт!
Пријавете се на нашата неделна мејлинг листа

Рускиот Дедо Мраз е наследник на паганските божества од словенската митологија. Другите негови имиња се Зимник, Мороско, Трескунец, Студенец. Сето тоа е тој. Во бајките до тој пагански Дедо Мраз се стигнува преку бунар, а тоа е светот на мртвите. Високиот бел дедо живеел во ледена куќа, а неговата количка ја влечеле три коња, односно трите зимски месеци. Денес е навистина тешко да се каже каква боја на бунда носел.

По преминувањето во православие, паганските божества биле запоставени, но Дедо Мраз опстанал. Единственото нешто што сега го знаеме е дека почнал (или продолжил?) да носи бела или сребренеста бунда како симбол на чистота. Инаку, познатиот сликар Виктор Васнецов го насликал Дедо Мраз во бела бунда во 1885 година, но во политеистичката традиција.

Дедо Мраз. В. Васнецов. 1885.

Добро познатиот руски Дедо Мраз во сина (темна или светла) бунда може да се види во илустрациите на Иван Билибин за приказната „Мороско“ од 1932 година.

И. Билибин. Мороско. 1932.

Така е облечен и во стариот, до ден-денес омилен филм во Русија „Мороско“. Сино-белата бунда потсетува на зима, мраз и снег.

„Мороско“ (1964) / Александар Роу/Киностудия Горького

Дваесет години по Револуцијата во 1917 година познатиот старец се врати во ново одело. Сината и белата бунда не ги фрли, туку почна да носи црвена, комунистичка.