Оваа советска фотографија стана меѓународно „меме“ во 1960-тите

• Ве очекуваме на Телеграм-каналот https://t.me/rb_makedonija
• Вклучете го во пребарувачот „Show notifications“ (дозволи известувања) за нашиот сајт!
• Пријавете се на нашата неделна мејлинг листа

Потекло на фотографијата

Автор на сензационалната фотографија е Виктор Ахломов, дописник на весникот „Известија“. Фотографијата настанала случајно, а нејзиниот автор ниту на сон не очекувал толкава светска слава.

Кога во 1965 година Ахломов тргнал во редакцијата за да изврши некоја задача, токму пред канцеларијата видел маж со детска количка и со бебе во рацете. На ваквата фасцинантна глетка фотографот не можел да одолее – чкрапнал со фотоапаратот и тргнал понатаму да си врши работа.

„Гајле ми е за Малтус!“, 1965.

Виктор Ахломов/МАММ / МДФ/Russia in photo

А, потоа со фотографијата се случило нешто неочекувано.

„Кога ја донесов фотографијата во редакцијата, сите се засмеаја и веднаш почнаа да смислуваат потпис за неа и да се натпреваруваат чиј ќе биде најдуховит“, се сеќаваше Ахломов.

Овој натпревар го прекина Виктор Веселовски, уредник на рубриката за хумор, кој предложи таа работа да се препушти на читателите. Така во еден од следните броеви беше распишан конкурс за најдобар потпис. Тоа во советското новинарство беше направено за првпат и токму случајот со фотографијата на Ахломов стана причина за отворање нова рубрика „Смисли потпис“.

Фоторепортерот Виктор Ахломов закачен за градежен кран фотографира изградба на зграда, 1967.

Н. Рахманов/Sputnik

Меѓутоа, приказната за фотографијата не завршува тука...

Светска турнеја

Сликата објавена на страниците на весникот предизвика незапаметен интерес, како во Советскиот Сојуз, така и во странство (што е особено интересно). Фотографијата на Ахломов ја забележаа уредниците на британското списание „Сандеј тајмс“ и дојдоа до идеја да организираат „челинџ“ од типот „Ајде да се натпреваруваме со Русите во досетливост!“ А, потоа на Британците им се приклучи уште половина Европа.

Виктор Ахломов со колеги од Естонија, 1984.

Будан Виктор, Кавашкин Борис/TASS

Ахломов раскажуваше дека потоа во редакцијата на весникот почнале да стасуваат писма од целиот свет. Секој предлагал смешни потписи за фотографијата која веќе стана легендарна.

На пример, Англичаните предложија потпис: „Ги купив во продавница“, а од Чехословачка стаса предлог: „Гајле ми е за Малтус!“ (Томас Роберт Малтус беше демограф од 19 век кој сметаше дека неконтролираниот пораст на населението на Земјата во иднина неизбежно ќе предизвика глад во светот и смрт на човештвото. Тој апелираше до луѓето да не раѓаат премногу деца за да го спасат општеството од уништување). Оваа чехословачка верзија стекна популарност и стана официјален назив на фотографијата.

Отворање на изложба на фотографии посветена на 25 конгрес на КПСС. Виктор Ахломов (во центр), 1976.

Јуриј Садовников/МАММ / МДФ/Russia in photo

Најдобра варијанта во СССР беше: „Со ваков маж и во оган и во вода“.

Кој е грижливиот татко?

Неочекувана популарност на фотографијата ја наведе редакцијата да се запраша кој е јунакот од неа. Тие мислеа дека е чесно да го пронајдат и да му соопштат дека станал славна личност. Виктор Ахломов, автор на фотографијата, беше убеден дека фотографирал московјанин зашто, наводно, ги препознал неговите градски манири. Тоа не беше доволен „податок“, така што потрагата не даде плод. Не е ни чудо, Москва и тогаш беше огромна и во неа живееја многу татковци со две деца.

Виктор Ахломов на отворањето на изложбата-ретроспектива Централна изложбена хала „Манеж“, 2008.

Иља Питаљев/Sputnik

Набргу беа издадени еден милион разгледници со оваа фотографија и петте најдобри потписи што стасаа од целиот свет. Неочекувано беше пронајден јунакот од фотографијата, но дури во Хабаровскиот крај, далеку од престолнината.

Во писмото што стаса во редакцијата пишуваше дека лицето од фотографијата е Борис Емануилович Заљцман, дека е роден во Москва, но како шеф на геолошки истражувања моментално работи на Далечниот Исток. Виктор Ахломов го фатил во објективот среќниот татко кога со својата сопруга Тамара и со децата дошол во престолнината да ги посети своите родители.

„Идеите на Малтус не доаѓаат предвид! (Долу Малтус!).“, 1974.

Виктор Ахломов/МАММ / МДФ/Russia in photo

• Ве очекуваме на Телеграм-каналот https://t.me/rb_makedonija
• Вклучете го во пребарувачот „Show notifications“ (дозволи известувања) за нашиот сајт!
• Пријавете се на нашата неделна мејлинг листа

При користење на материјалите на Russia Beyond задолжителен е хиперлинк до изворот од кој е преземен материјалот.