„Наутилус куп“, подарокот на данскиот крал за рускиот цар

• Ве очекуваме на Телеграм-каналот https://t.me/rb_makedonija
• Вклучете го во пребарувачот „Show notifications“ (дозволи известувања) за нашиот сајт!
• Пријавете се на нашата неделна мејлинг листа

Направен е од германскиот златар Клаус Јохан во Нирнберг кон средината на XVII век. Чашата е направена од школка на наутилус, додека ногарката е со облик на фигура на Херкулес кој се бори со Хидра. Капакот е украсен со ликови на антички херои: Андромеда, врзана за карпа и Персеј кој лета кон неа на крилест ат.

Пехарот бил во приватната колекција на данско-норвешкиот крал Кристијан IV кој владеел речиси 60 години (1588-1648)! Тој бил голем естет, ги собирал околу себе најдобрите уметници и занаетчии, за време на неговото владеење уметноста достигнала невиден процут. Покрај тоа, Кристијан IV бил многу пријателски настроен кон Русија, па дури и планирал да го ожени својот брат со ќерката на Борис Годунов (но братот починал кога пристигнал во Москва).

Данскиот крал решил да се спријатели со првиот цар од новата династија Романови, Михаил Фјодорович. Во 1622 година Кристијан испратил цела амбасада во Русија, заедно со својот син, која донела многу подароци на рускиот двор. Меѓу нив бил и овој „Наутилус куп“, кој денес се чува во Музеите на московскиот Кремљ.

Музеи на московскиот Кремљ

Ова и други ремек-дела од ризницата на данскиот крал можете да ги погледнете на изложбата во Оружејната палата до 16 август.

Наскоро огромно количество западно сребро од Оружејната палата ќе исполни цела сала во новата зграда на Музеите на московскиот Кремљ, реставрираната зграда на Трговските редови на Црвениот плоштад.

При користење на материјалите на Russia Beyond задолжителен е хиперлинк до изворот од кој е преземен материјалот.