Легендарните советски фолклорни ансамбли на ФОТОГРАФИИ

26 август 2022

Александра Гузева

Ставрополски народен кореографски ансамбл „Ровесник“.

Константин Тарусов/TASS

Претставите на традиционални танци на различни народи за СССР беа популарни како балетот. Советските културно-уметнички друштва честопати гостуваа во странство.

Ве очекуваме на Телеграм-каналот https://t.me/rb_makedonija
Вклучете го во пребарувачот „Show notifications“ (дозволи известувања) за нашиот сајт!
Пријавете се на нашата неделна мејлинг листа

Ансамбл на народни игри на СССР

Ансамбл на народни игри на СССР. Танц „Пољанка“.

Евгениј Умнов/МАММ/МДФ/russiainphoto.ru

Патриотскиот руски „народен“ танц почнал да се развива на големата сцена по војната што Русија ја водела во 1812 година против Франција на Наполеон. До крајот на 19 век постоел тренд на враќање на руските корени и сè што е руско станало неверојатно популарно (вклучувајќи ги традиционалната архитектура, носиите и домашните ракотворби).

Народен танц од 1930-тите

Изведувачи на народни песни и игри.

МАММ/МДФ/russiainphoto.ru

Театарот „Болшој“ во текот на 1910-тите го поставил на сцената „Танцот на народите“. Долго време немало билети во слободна продажба, бидејќи сите биле распродавани штом ќе се појавеле на каса.

Киргиски фолклорен ансамбл

Ансамбл на народни игри

Евгениј Халдеј/МАММ/МДФ/russiainphoto.ru

Советските власти ги поддржуваа народните игри како еден од начините да ги обединат народите во мултиетничка земја и на тој начин да ја покажат нејзината разноликост.

Масовен танц на Урал, 1950-тите

Ансамбл на народни игри

Евгениј Халдеј/МАММ/МДФ/russiainphoto.ru

Советската ера го изнедри„народниот сценски танц“, сосема нов феномен - спој на професионална кореографија и народна игра.

Концерт на народни игри во Севастопол, 1955.

Концерт

Валентин Хухлаев/russiainphoto.ru

Во Советскиот Сојуз постоеја дваесетина професионални фолклорни ансамбли и стотици аматерски колективи кои во бранот на масовната популарност на аматерскиот уметнички настап беа основани во многу училишта, универзитети и домови на културата.

Деца танцуваат на прославата на Нова година во градинка, од 1940-тите

Прослава на Нова година

Сергеј Васин/МАММ/МДФ/russiainphoto.ru

Во 1930-тите беше создаден „Сесојузниот фестивал на народни игри“, на кој беа застапени речиси сите националности на СССР.

Народен танц во пионерскиот камп „Артек“, 1945.

Пионерски камп „Артек“

Евгениј Умнов/МАММ/МДФ/russiainphoto.ru

Ниеден поголем празник не поминуваше без настап на фолклорна група.

Фестивал на жетвата во Краснодар, 1953.

Празник на жетвата, Кубањ.

Евгениј Халдеј/МАММ/МДФ/russiainphoto.ru

Имајќи го предвид големото позитивно влијание на народната игра врз културната и националната политика, советските власти покренаа иницијатива за формирање на Државниот академски ансамбл на народни игри, на чие чело беше Игор Мојсеев, кореограф на театарот „Болшој“.

Игор Мојсеев на проба, 1956.

Кореографот Игор Мојсеев.

Евгениј Умнов/МАММ/МДФ/russiainphoto.ru

„Балетскиот ансамбл на Игор Мојсеев“ („Државен академски ансамбл на народни игри Игор Мојсеев“) и понатаму гостува ширум светот. Тој е исто така многу познат и во Русија и често се појавува на сцената на театарот „Болшој“.

Руски танц, Ансамблот на Игор Мојсеев, 1957.