7 советски поп-идоли (ВИДЕО)

• Ве очекуваме на Телеграм-каналот https://t.me/rb_makedonija
• Вклучете го во пребарувачот „Show notifications“ (дозволи известувања) за нашиот сајт!
• Пријавете се на нашата неделна мејлинг листа https://mk.rbth.com/subscribe

Иако во советско време постоеја одредени ограничувања на „капиталистичкиот“ начин на живот, музиката од тие години, повеќе или помалку, беше во согласност со светските трендови. Музичарите снимаа спотови, ги посетуваа сите региони на огромната земја и, се разбира, имаа куп обожаватели.

1. Ана Герман

Една од најпопуларните советски пејачки, Ана Герман (1936-1982) имаше потекло од руски Германци, а младоста ја помина во Вроцлав, Полска. Покрај руски и полски, таа зборуваше италијански, англиски, па дури и стар германски дијалект.

Ана Герман

Rybakov/Sputnik

Почна да настапува со песни на студентски вечери, а набрзо стана чест гостин на разни фестивали во Полска, Италија и Советскиот Сојуз. А најпознатите песни како „Надеж“, „Кога процутеа градините“, „Нежност“ и „Ехо на љубовта“ беа напишани за неа од советски композитори.

2. Лав Лешченко

„Миленикот“ на многу советски жени беше Лав Лешченко (роден 1942 година во Москва и сè уште настапува во своите 80-ти!). Лав беше забележан додека служеше војска, а по службата се запиша во театарски институт. Песната „Ден на победата“ која ја изведе на 9 мај 1975 година му донесе светска популарност и оттогаш редовно ја изведува на одбележувањето на овој свечен ден во Русија. Дури ја пееше и на церемонијата на затворање на Олимписките игри 1980 година во Москва.

Лав Лешченко

Свиридова/Sputnik

Денес Лешченко ги пее не само старите хитови, туку и нови песни, снимајќи ги заедно со млади рапери (да, рапери). „Го сакам рапот веќе долго време. На крајот на краиштата, сите ги сакаме песните на Мајаковски, а тие можат да се сметаат и за првиот рап“, рече уметникот во неодамнешно тв-интервју во 2022 година.

Но, главната песна што дури и младите Руси ја знаат напамет е „Збогум“. Слушнете ја!

3. Јосиф Кобзон

Уште еден советски миленик, Јосиф Кобзон (1937-2018) почна да настапува во доцните 1950-ти со воени и лирски песни. Одржуваше концерти на градилиштата на сите сесојузни синдикати, настапуваше во Чернобил и Авганистан по сопствена желба.

Јосиф Кобзон, 1980.

Valentin Mastyukov/TASS

Кобзон, исто така, ги убеди терористите во 2002 година, кои стоеја зад опсадата на Норд-Ост во Москва, да ослободат неколку заложници. Во последните години од својот живот, тој не само што беше вклучен на сцената, туку и раководеше со Комитетот за култура на Државната Дума.

4. Ала Пугачова

Живиот симбол на советската сцена е, се разбира, Ала Пугачева (родена 1949 година во Москва). Почна да се занимава со музика во 1960-тите, по завршувањето на музичкото училиште. Потоа започна да настапува на националното радио и телевизија и да ги посетува најоддалечените краишта на СССР.

Ала Пугачова,

Klaus Winkler/ullstein bild/Getty Images

Таа има многу низок и длабок глас - што ја прави посебна во споредба со која било друга пејачка! Во 2010 година Пугачова престана да настапува, но води активен живот на социјалните мрежи. Инаку, и нејзината ќерка Кристина Орбакајте стана популарна пејачка во Русија.

5. „Песњари“

Советските уметници често изведуваа песни не само на руски, туку и на другите јазици на Советскиот Сојуз. А групата „Песњари“, формирана во 1960-тите во Минск, ги популаризираше песните во поп-фолк стил.

Песњари, 1976.

Ю. Иванов/Sputnik

Песните за јавање, птиците-преселници и пролетта станаа познати ширум Советскиот Сојуз. Денес музичкиот колектив „Песњари“ прерасна во државен ансамбл на Белорусија.

6. „Земљане“

Темата на вселената ги фасцинираше луѓето ширум светот во 1960-тите и 1970-тите. За вселената сонуваа и музичарите на бендот „Земљане“, кој во 1969 година го формираа ленинградски студенти. Јунаците на нивните песни беа пилоти и космонаути, кои Советите многу ги сакаа.

Земљане, 1985.

Сергей Гунеев/Sputnik

Кон крајот на 1980-тите тие веќе свиреа повеќе рок-музика. Инаку, на нивниот концерт посветен на XII фестивал на младината и студентите во Москва во 1985 година, предгрупа беше британскиот бенд „Everything but the Girl“.

„Земљане“ свират и денес, особено на Денот на космонаутиката.

 7. „Самоцвети“

Најдобрите песни за Советскиот Сојуз од 1971 година ги пее групата „Самоцвети“. Нивните песни беа за големите соништа, тундрата и изградбата на автопатот Бајкалско-амурската магистрала.

Самоцвети, 1973.

Сикорский/Sputnik

Тие настапуваат и денес, само во помлад состав. Но, и понатаму ги води истиот човек кој го основаше бендот по дипломирањето на Московскиот конзерваториум - Јуриј Маликов.

При користење на материјалите на Russia Beyond задолжителен е хиперлинк до изворот од кој е преземен материјалот.