Дали е Иван најпопуларното руско име?

Russia Beyond (Public Domain)
Се чини дека ова име ја отелотворува Русија. Некому би можело да се стори дека добра половина од машката популација во Русија се вика Иван. Но, реалноста е многу посложена.
  • Ве очекуваме на Телеграм-каналот https://t.me/rb_makedonija
  • Сите наши најнови и најактуелни текстови пристигнуваат директно на вашиот паметен телефон! Ако „Фејсбук“ одбива да ги споделува нашите објави, со „Телеграм“ сме секогаш со вас!
  • Вклучете го во пребарувачот „Show notifications“ (дозволи известувања) за нашиот сајт!

Најголемиот руски херој

Фактот дека Иван е најруското име е еден од многу вкоренетите стереотипи за Русија. Иако технички Иван не е руско име, може да се каже дека во неа е многу популарно со векови.

Широката употреба на ова име во културата може делумно да ја објасни неговата популарност. Во принцип, името Иван е сеприсутно во руската култура и историја. Доволно е да се каже дека Иван можете да го најдете во речиси секоја руска народна приказна.

Иван е неизоставен јунак на рускиот фолклор. Има функција на „општо име“, што значи дека самото име има мало значење, за разлика од контекстот на приказната.

„Еднаш одамна си живеел еден крал кој имал три сина. Најмладиот се викал Иван“, почнува познатата руска народна бајка Принцот Иван и сивиот волк.

Принцот Иван го јава сивиот волк, дело на Виктор Васнецов, 1889.

Јовче Будалчето (Дурак) е уште еден од често присутните јунаци на руските народни приказни. Во руската народна традиција, Јовче Будалчето е претставен како простодушен, но среќен младич кој често се однесува спротивно на здравиот разум, но сепак на крајот успева.

Иван е присутен и во руската класична литература. Некои познати писатели, како и познати ликови, го носат ова име. Да споменеме само неколку: Смртта на Иван Илич од Толстој, Вујко Вања од Чехов и Еден ден од животот на Иван Денисович од Солженицин.

Иван Грозни на слика на Виктор Васнецов, 1897.

Влијанието на Црквата

Постои и алтернативно објаснување зошто Иван отсекогаш бил толку вообичаено име во Русија.

Пред Руската револуција, црквата ги охрабрувала луѓето да ги крстат своите деца по православните светци, од кои секој има и свој именден. Има повеќе светци со името Јован, така што тоа значително ја зголемило популарноста на името.

Јован Богослов, икона од XVII век

Исто како што е Јован во Македонија, Џон во САД, Иван е многу вообичаено име во Русија. Имињата Јован и Иван имаат исто значење: „оној кој е во Божја милост“.

Меѓутоа, и покрај широката популарност на ова име со текот на времето, тоа во никој случај не е најпопуларното машко име во Русија. Во изминатите 20 години Александар беше на врвот на листата на најпопуларни машки имиња во земјата.

При користење на материјалите на Russia Beyond задолжителен е хиперлинк до изворот од кој е преземен материјалот.

Овој веб-сајт користи колачиња. Кликнете овде за да дознаете повеќе.

Прифати колачиња