Како странски ликовни уметници ја видоа Баба Јага, најпознатата вештерка од руските бајки

illustration by Dana Alink, 2015
Познатиот ширум светот лик од руските бајки странските уметници го доживеаја во опсег од фатална убавица до невидена ѕверка.

Подгрбавената старица со голем кукаст нос и една нога во вид на гола коска живее во чудна куќа на кокошкини нозе и лета во аван. Така најкратко може да се опише познатата Баба Јага, вештерката од безбројните руски бајки. Иако изгледа одбивно, Баба Јага всушност често притекнува напомош. Таа ги советува главните ликови како да ги победат лошите или им дава некој волшебен предмет кој ќе им помогне да го решат проблемот. Такво е, на пример, клопчето што ќе им го покаже правиот пат.

Меѓутоа, во тие бајки ништо не се кажува за младоста на вештерката. Уметникот Secondlina од Канада ја замислува Јага како убава девојка, како сите млади жени, но која има една шармантна особина – љубов кон черепи.

„Мислам дека еден ден ќе сакам да пишувам за авантурите од нејзината младост. Како станала моќна и толку злобна (иако во неколку приказни беше и добра). Значи, запознајте ја младата Баба Јага (која сигурно имала поинакво име. Можеби само Јага, без Баба?)“, напиша уметникот.

Во верзијата на уметникот од САД tobiee Јага успеала да ја зачува убавината и притоа константно, а можно е и во овој момент, лета над Москва.

Баба Јага буквално живее во аванот во кој ги вари своите волшебни напитоци од тревки, верува уметникот White-Starcloud од Белгија и Kaizoku-hime од Холандија.

Нејзината главна алатка е огромната лажица, смета mr-nick од Холандија.

Американскиот уметник Endling ја виде куќата на Баба Јага како бродска кабина без прозорци и врати, додека од куќата таа излетува исклучиво низ оџакот. Покрај тоа, Баба Јага има изразена склоност да граба и јаде деца, убеден е авторот.

Според мислењето на некои уметници Баба Јага не изгледа како човек, Vincent-Covielloart од САД ја прикажува како волшебна птица.

...А Lenika86 од Украина како коњ. И воопшто, Баба Јага може да биде било кој, таа отсекогаш била „чудна и маргинална“, смета авторот на цртежот.

 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња