Стивен Кинг: „Епидемија“ е ѓаволски добра руска серија, насекаде снег и сите пијат вотка!

12 октомври 2020

RUSSIA BEYOND - МАКЕДОНИЈА

Павел Костомаров/Premier Studios, 2019.

Познатиот американски писател, „кралот на хоророт“ Стивен Кинг високо ја оцени руската серија на режисерот Павел Костомаров „Епидемија“ што „Нетфликс“ ја прикажува од 7 октомври под насловот To the Lake. „Епидемија“ е веќе преведена на 12 јазици и во моментов е една од десетте најгледани на „Нетфликс“.

„Епидемија“ е ѓаволски добра руска серија“, коментира Кинг на својот профил на „Твитер“. Одлична режисерска работа, многу снег, сите пијат вотка“.

TO THE LAKE, a pretty darn good Russian series on Netflix. Four things to know:
1. There's a plague.
2. There's lots of snow and cold (Russia, stupid).
3. Everybody drinks vodka.
4. Weak-ass spoiler alert: the little kid is a pain in the ass.
— Stephen King (@StephenKing) October 11, 2020

Режисерот на серијата Павел Костомаров беше инспириран од познатиот во Русија роман „Вонгозеро“ на Јана Вагнер. Тоа е трилер за смртоносна епидемија! Одеднаш вирус почнува да се шири и да ја опфаќа цела Русија, вклучувајќи ја и Москва, а луѓето се претвораат во зомби со стаклени очи. Се чини дека единствениот начин за спас е бегство од големите градови. Главните ликови бегаат на едно оддалечено езеро на северот на земјата. Но, патот до езерото е полн со возбудувања, затоа што Москва е затворена од сите страни, луѓето се исплашени и војската демне на секој чекор.

Серијата се придржува до сите традиции на трилерот, а гледачите се во постојана напнатост. Заболените и криминалците се прикажани многу реалистично, а јунаците на приказната во секоја нова сцена донесуваат тешки одлуки.

При користење на материјалите на Russia Beyond задолжителен е хиперлинк до изворот од кој е преземен материјалот.

кинематографија