Светлосно шоу со 2198 дронови во Санкт Петербург го собори светскиот рекорд (ВИДЕО)

Скриншот / Youtube
Светлосното шоу на беспилотни летала по повод одбележувањето на 75 години од завршувањето на Втората светска војна се одржа ноќта на 3 септември во Санкт Петербург. Со тоа е соборен светскиот рекорд во бројот на летала во синхронизиран лет, што го регистрираше Книгата на рекорди на Русија.

На 3 септември во Санкт Петербург полетаа 2198 квадрокоптери со светла. Тие формираа на небото различни фигури: од гулабот на мирот до Орденот на Победата.

Во пресрет на светлосното шоу дроновите на полето на малата спортска арена беа изнесени од петербуршки ученици.

Набљудувачите радосно ги споделуваа своите впечатоци на социјалните мрежи, а исто така објавуваа и снимки од овој импресивен настан.

Новиот светски рекорд во категоријата „најголем број беспилотни летала кои истовремено се наоѓаат во воздух“ со резултат од 2 илјади и 198 дронови го забележа и основачот и главен уредник на Книгата на рекорди на Русија Станислав Коненко. Инаку, претходниот светски рекорд го постави компанијата „Интелˮ во 2018 година, кога истовремено полетаа 2018 дронови.

Раководителот на шоуто со дронови од компанијата „Геоскан“ Семјон Лопко им соопшти на медиумите дека подготовката на овој проект траела две години.

Според идејата на организаторите, светлосното шоу го прикажа херојството на советските војници во Втората светска војна, а исто така потсети и на победата на милитаристичка Јапонија, што го означи крајот на Втората светска војна.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња