Шојгу соопшти кога ќе биде отворен главниот храм на Вооружените сили на Русија

Скриншот, ТВ „Ѕвезда“
Церемонијата на отворање на главниот храм на Вооружените сили на Руската Федерација во подмосковскиот парк на Министерството за одбрана на РФ „Патриот“ е планирана за 22 јуни.

Ова го соопшти министерот за одбрана на РФ Сергеј Шојгу, пренесува „Интерфакс“.

Шојгу прецизираше дека храмот ќе биде отворен на Денот на сеќавањето и жалоста, а тоа е датумот кога почна Големата татковинска војна. Рускиот министер за одбрана додаде дека на 22 јуни ќе биде отворен и музејскиот комплекс „Патот на сеќавањето“.

За завршувањето на изградбата на главниот храм на Министерството за одбрана на РФ јавноста беше известена на 9 мај, на 75-годишнината од победата во Втората светска војна. Храмот и територијата околу него го симболизираат сеќавањето на победата над нацизмот. Пречникот на тамбурот на главната купола изнесува 19 метри и 45 сантиметри, што заедно ја симболизира 1945 година, кога војната заврши. Камбанаријата е висока 75 метри, затоа што храмот е подигнат 75 години по Победата. Малите куполи се високи 14 метри и 18 сантиметри, затоа што војната траеше 1418 дена. Поради истата причина и мултимедијалната галерија „Патот на сеќавањето“ на територијата на храмот е долга 1418 чекори.

 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња