Не пропуштајте!
Придружете се на Russia Beyond на Телеграм за повеќе есклузивни содржини
Многу благороднички семејства по Револуцијата избезумени избегаа од Русија во странство, носејќи ги со себе само најнужните работи. Сепак, имаше и такви кои на најразлични начини успеаја да ги изнесат семејните скапоцености, но и такви на кои тоа не им појде од рака.
Меѓу овие вторите беше и богатото семејство Наришкин. Во Русија остана нивната луксузна колекција сервиси и прибори за јадење од скапоцени метали изработени во работилниците на најдобрите руски и француски мајстори.
За време на реновирањето на вилата на семејството Наришкин во Петербург во 2012 година, беше пронајдена тајна просторија во која се наоѓаше семејното богатство. Со преку две илјади предмети од благородни метали од јувелирска изработка, меѓу кои имаше самовари, соларници, виљушки, лажици, разни садови, чинии, подметнувачи, оваа ризница го понесе епитетот на најголемата во модерна Русија.
Секој предмет беше грижливо спакуван, а меѓу целото то а богатство беа пронајдени и документите на Сергеј Сомов, сопругот на ќерката на последниот сопственик на вилата. Сомов, најверојатно учествувал во криењето на богатството, но подоцна и тој емигрирал и умрел, а бидејќи немал потомство, за овие скапоцености не знаел никој.
По неколкугодишно проучување, стручњаците го доставија богатството во Музејот во Царско село и сега околу 700 предмети од ризницата на семејството Наришкин за прв пат се достапни на пошироката јавност.
Изложбата е отворена до 24 март следната година во Екатеринскиот дворец во музејот-резерват Царско село.
При користење на материјалите на Russia Beyond задолжителен е хиперлинк до изворот од кој е преземен материјалот.
Претплатете се
на нашиот билтен!
Добивајте ги најдобрите стории на неделата директно во вашето сандаче