Виолета Егорова започнала да свири пијано на четири годишна возраст, дебитирајќи со целовечерен рецитал кога имала 12 години. Образованието го почнува во Централното училиште за талентирани деца во Москва, а продолжува на Московскиот конзерваториум „П.И.Чајковски“ под менторство на прочуениот Лев Наумов.
Додека сѐ уште била студент, нејзиниот талент го препознава Руско-Американската корпорација „ Уметност и електроника“ и ѝ овозможува да сними ЦД со дела од Моцарт и Прокофјев одбележувајќи ги годишнините од раѓањето на овие композитори. Потоа, снима уште неколку носачи на звук за „Јуниверзал мјузик“, како и за јапонската „Теичику рекордс“ , додека пак нејзините настапи се пренесувани на радио и телевизија во Италија, Турција, Канада, Египет, Еквадор, Франција и Русија.
Виолета Егорова е лауреат на повеќе интернационални натпревари, настапува во некои од најпознатите концертни сали во светот, а често како солист настапува и со реномирани оркестри.
Егорова предава пијано на Академијата „Рахманинов“ во Катанија, каде е претседател и основач на интернационалната награда „Сергеј Рахманинов“.
Уметнички директор е на Интернационалниот фестивал „Концертфест“ во Москва и е активен член на Интернационалната Академија за информатизација која има консултативен статус при Обединетите нации од 1995 година.
Настапот е закажан за 21 часот, се вели на сајтот на „Охридско лето“.
При користење на материјалите на Russia Beyond задолжителен е хиперлинк до изворот од кој е преземен материјалот.
Претплатете се
на нашиот билтен!
Добивајте ги најдобрите стории на неделата директно во вашето сандаче