Во Рускиот центар во Скопје дебата на тема „Советскиот Сојуз и Минхенскиот договор“

Во петок, 19 октомври, со почеток од 19 часот, во Рускиот центар при УКИМ ќе се одржи дебата на тема „Советскиот Сојуз и Минхенскиот договор“.

Минхенската спогодба, која беше потпишана на 30 септември 1938 година од страна на лидерите на Франција, Англија, Италија и на нацистичка Германија, а со која се предвидуваше отцепување на Судетската област од Чехословачка, во советската и во современата историографија се смета за злосторство без преседан во однос на меѓународното право кое стана вистински пролог за Втората светска војна и се нарекува „Минхенски договор“.

„Каква беше улогата на Советскиот Сојуз во Судетската криза? Какви мерки презеде советската дипломатија и советското раководство да не се дозволи распарчување на Чехословачка? Зошто денес во Русија се бара да се обрне особено внимание на лекциите од Минхен?“ се некои од прашањата за кои ќе се дебатира.

Воведничар и модератор на дебатата ќе биде Михаил Лушин, аташе за култура на Амбасадата на РФ во Македонија. 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња