Фестивалот „Московско лето. Цветен џем“ го посетија над седум милиони луѓе

Отворање на цветниот фестивал на Црвениот плоштад во близина на главниот московски трговски центар ГУМ.

Отворање на цветниот фестивал на Црвениот плоштад во близина на главниот московски трговски центар ГУМ.

Екатерина Чеснакова/РИА „Новости“
Фестивалот „Московско лето. Цветен џем“ заврши во главниот град на Русија во неделата, 6 август 6. За повеќе од две недели беше посетен од повеќе од 7,2 милиони жители и гости на градот, соопшти организациониот комитет на уличните настани „Московски сезони“.

Фестивалот се одржуваше од 20 јули на повеќе од 40 локации. Главните теми на летниот фестивал беа слатките и цвеќето. Покрај тоа, во рамките на уличните манифестации се одржуваа натпревари на слаткари за креирање рецепт за брендирани бонбони „Москва“.

„Локациите на летниот фестивал ги посетија 7 милиони и 200 илјади луѓе“, изјави заменик-градоначалникот на Москва за економска политика и имотно-земјишни односи Наталија Сергунина на затворањето на манифестацијата во неделата.

Таа истакна дека посетителите купиле повеќе од 2 милиони порции сладолед и 215 илјади тегли слатко.

Во рамките на „Цветниот џем“ јавните простори на Москва беа украсени со проектите на финалистите на меѓународниот натпревар за урбан дизајн на пејзаж – најголемиот од сличните настани кои се одржуваа во Москва. Од 20 јули жителите и гостите на главниот град можеа да се восхитуваат на уникатните композиции од цвеќе, грмушки и други растенија од водечките руски и меѓународни дизајнери за пејзаж.

Своите работи ги претставија мајстори од пет земји: Италија, Франција, Велика Британија, Белорусија и Русија.

Според Сергунина, паралелно со најдобрите руски и меѓународни пејзаж-дизајнери, можност да го украсат градот според својот вкус имаа и обичните Московјани. Повеќе од илјада граѓани учествуваа во аматерска конкуренција за цветни композиции на 11 фестивалски локации. При создавањето цветни ремек-дела на кандидатите им помагаа пријатели и роднини. Многумина дојдоа со своите семејства. Само за декорација на цветните леи беа употребени речиси 14 илјади живи растенија.

Таа, исто така, истакна дека одржаниот летен фестивал е  концептуално нов настан кој има за цел да ја открие оригиналноста и посебноста на вообичаените урбани јавни простори, пренесува РИА „Новости“.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња