Лос се прошета низ Петербург и се врати во шумата

Лосови.

Лосови.

Евгениј Бијатов/РИА „Новости“
Лосот кој претходно беше забележан во северниот дел на Санкт Петербург е вратен во шумата, соопшти градскиот комитет за управување со природата, заштита на животната средина и еколошка безбедност.

Во вторникот жителите на Санкт Петербург забележаа во северниот дел на градот лос, фотографии од него се појавија и на социјалните мрежи. Беше соопштено дека дивото животно, откако се прошетало по улица, исчезнало во Муринскиот парк.

На помош на животното пристигнаа припадниците на Комитетот за управување со природата, заштита на животната средина и еколошка безбедност, Управата за ветерина, ГКУ „Дирекција на специјално заштитени природни подрачја“, претставници на Министерството за вонредни состојби и полицијата.

„По повеќечасовно дежурство на припадниците на Комитетот за управување со природата, животното беше откриено... Лосот не успеа сам да се врати во природата и претставуваше реална закана за животот и здравјето на луѓето. Затоа со заеднички напори на припадниците на Комитетот за управување со природата и Управата за ветерина успеаја да го успијат и одвезат дивиот ѕвер во Ленинградската област“, се вели во соопштението што го пренесува wi-fi.ru.

Според експертите, причината за излегувањето на лосот од шумата би можеле да станат берачите на печурки и одморџиите кои носат со себе во шумата крупни кучиња без ремени и заштитни маски.

При користење на материјалите на Russia Beyond задолжителен е хиперлинк до изворот од кој е преземен материјалот.