Во 2013 година во „Севмаш“ ќе почнат да се градат уште две нуклеарни подморници од класата „Бореј“

Во јули оваа година во фрабриката „Севмаш“ ќе почне да се гради петтата стратешка ракетна подморница од класата „Бореј-А“, а во ноември - шестата. Подморниците ќе ги добијат имињата „Александар Суворов“ и „Михаил Кутузов“. Ова го соопштува ИТАР-ТАСС, повикувајќи се на информиран извор во рускиот одбранбено-индустриски комплекс.

Овие подморници ќе бидат првите од седумте стратешки ракетни нуклеарни подморници од модернизираната класа „Бореј-А“, кои, според зборовите на министерот за одрбана, Сергеј Шојгу, ќе бидат создадени во рамките на државната програма за вооружување до 2020 година. 

Сите права ги задржува „Росијскаја Газета“.