Србија ќе купи од Русија локомотиви во вредност од 100 милиони долари

Србија планира да искористи 100 милиони долари од рускиот кредит за купување на железнички локомотиви од Русија, пренесува РИА Новости. Ова го соопшти министерот за финансии и економија на Србија, Млаѓан Динкиќ.

Во петокот Русија и Србија потпишаа договор за кредит од 800 милиони долари за модернизација на српската железничка инфраструктура. Рокот на отплата е 5 години со каматна стапка од 4,1%.

Динкиќ соопшти дека освен локомотивите, од руските компании Србија ќе купи и друга стока, како на пример - железнички пруги.

Порано тој соопшти дека ова е најголемиот кредит кој Железницата во Србија некогаш го добила. Според неговите зборови, добиените средства ќе се искористат за модернизација на „Железничкиот коридор - 10“, а исто така и за модернизација и реконструкција на железничката пруга Белград-Бар. 

Сите права ги задржува „Росијскаја Газета“.