Министерството за одбрана на Русија ќе изведе воени вежби со четири флоти

Министерството за одбрана на Руската Федерација ќе изведе воени вежби со Северната, Балтичката, Црноморската и Тихоокеанската флота.

Кон крајот  на јануари 2013 година, Министерството за одбрана на Руската Федерација ќе изведе воени вежби со Северната, Балтичката, Црноморската и Тихоокеанската флота, соопштува РИА Новости, цитирајќи извори од Министерството. Вежбите ќе се изведат во водите на Средоземното и Црното море.

Вакви вежби од толкав формат и големина за прв пат се изведуваат од страна на Русија во последниве децении.

Подготовката за одржување на оваа вежба се врши од сите флоти уште во декември 2012. Во овој момент групите бродови се движат кон назначените реони на изведување на вежбите. 

Сите права ги задржува „Росијскаја Газета“.