Владимир Путин им ја честита Нова Година на своите странски колеги

Рускиот претседател им посака среќна Нова Година и Божиќ на странските претседатели и премиери.

Претседателот Владимир Путин им ја честита Нова Година и Божиќ на претседателите на другите држави и влади и раководители на меѓународни организации. Честитката е објавена на веб-сајтот на Кремљ.

Во честитката Владимир Путин нагласува дека Русија и „понатаму ќе ги развива и јакне односите ќе води конструктивен дијалог и ќе продолжи со продуктивната заедничка работа“, со сите странски партнери. Оваа порака е упатена до Барак Обама, Раул Кастро, Марио Монти, Ангела Меркел, Дејвид Камерон и други.

Во честитката, особено е издвоен претседателот на Венецуела, Хуго Чавез, на кој му посакува побрзо опоравување. Покрај активните претседатели на влади и шефови на држави, честитки добија и некои поранешни раководители на држави, помеѓу кои се Силвио Берлускони, Џорџ Буш и Никола Саркози.

Сите права ги задржува „Росијскаја Газета“.