Повеќе од половина граѓани на Русија жалат за распадот на СССР

Точно пред 90 години, на 29 декември 1922 година, на конференцијата на делегациите на Советите беше потпишан Договор за создавање на СССР. Тој документ бил прифатен на Првиот Сесојузен Конгрес на Советите и бил потпишан од страна на шефовите на делегациите. Таа дата се смета за ден на создавање на СССР.

Повеќе од половина руси жалат за распадот на СССР, пред сѐ, постарите жители, кои не користат Интернет, луѓе со низок степен на образование - кажуваат резултатите од анкетата која е извршена од Серускиот центар за изучување на општественото мислење.

Според податоците на анкетата, за распадот на Советскиот Сојуз жали денеска секој втор анкетиран граѓанин (56%). Пред десет години оваа цифра изнесуваше 65%. Како правило, жалат за распадот лицата постари од 45 години (70-83%), со низок степен на образование (72%) и кои не користат Интернет (75%).

Не жалат за распадот на СССР 33% од испитаниците (пред десет години - 27%). Тоа е во најголем број младината (54%), луѓе со високо образование (37%) и активни корисници на Интернет (43%).

Две третини од русите се уверени дека СССР го помагал економскиот и културниот развиток на народите кои живееле на неговата територија. Пред сѐ, тоа го сметаат постарите испитаници (84%). Во обратното е убеден секој петти жител (20%).

Според податоците на Серускиот центар за изучување на општественото мислење, во 1998 година, распадот на Сојузот го сметале за неминовен 25% од испитаниците, а денеска - третина (35%).

Сепак, половина од испитаниците сметаат дека распадот на СССР би можел и да се избегне (55%). Веднаш после распадот било тешко да се именува, поради кои причини се распаднал СССР, но најголемиот број сметаат дека за тоа е виновна неефективноста на комунистичката држава во услови на премин кон демократија, како и погрешниот курс на Горбачов, Шеварнадзе и Јаковлев - се кажува во резултатите од анкетата. 

Сите права ги задржува „Росијскаја Газета“.