Гаспром започна со дистрибуција на гас по морски пат

Руски гас низ Северно море

Гасоводниот танкер Ob River (река Об) успешно го заврши првото во светот транспортирање на течен природен гас (ТПГ), по Севрно-морски пат (СМП), соопштија од Газпром.

Како што прецизира The Wall Street Journal (WSJ), гасот бил произведен во Норвешка на терминалот за ТПГ - Hammerfest Snohvit, сопственост на Statoil, а корисник е јапонската  Kyushu Electric Power Co. Според податоците на Ројтерс, превезени се 134.500 кубни метри течен гас. Гасниот танкер е сопственост на грчката компанија  Dynagas.

Благодарение на  СМП - транспортот, времето за дистрибуција од Северна Европа до Северо-источна Азија, може да се скрати скоро за 40% во споредба со маршутите преку Суецкиот и Панамскиот канал, забележуваат од Газпром. Современите пак мразокршачи го овозможуваат движењето на тешко-тонажните танкери низ замрзнатата вода 3-4 месеци во годината.

Натоварениот танкер преминал, откако порано во октомври, поминал празен брод од Јапонија до Европа. „Двата брода (...), со една навигација целосно ја потврдија техничката и трговската рентабилност на СМП за меѓународен превоз на природен течен гас“, констатираат од Газпром. Концернот смета на истата маршута и за дистрибуција на ТПГ во земјите на Азиско-тихоокеанскиот регион, како и на европскиот пазар.

Сите права ги задржува „Росијскаја Газета“.