Руска дизајнерка направи „Лајк ракавици“

Младата руска дизајнерка Катерина Семењко создаде нов начин на комуникација. Дизајнираше „лајк-ракавици“, по примерот на „Like“ опцијата на Фејсбук. Со помош на овие ракавици луѓето можат да го изразат својот однос кон средината без употреба на зборови.

Оваа есен „лајк-ракавиците“ беа претставени на Московската недела на дизајнот, каде се најдоа меѓу малубројните предмети кои навистина станаа популарни меѓу посетителите. Сепак, продажбата на овие оригинални ракавици сеуште е проблематична, затоа што пробната серија од 600 пара веќе е распродадена, а производството на новата сеуште не е започната.

Сите права ги задржува „Росијскаја Газета“.