Хемиските елементи број 114 и 116 добија име

02 јуни 2012

РИА „Новости“

Руската земја и понатаму раѓа нови Менделеевци. Извор: Photoexpress.

Меѓународното здружение за чиста и применета хемија (IUPAC) официјално им ги додели имињата „флеровиум“ и „ливермориум“ на елементите број 114 и 116 од Периодниот систем на елементи на Менделеев. Овие елементи беа синтетизирани од страна на руските научници со помош на нивните американски колеги.

„Потврдени е дека првенството во откривањето на овие елементи му припаѓа на... заедничкиот тим научници од Обединетиот институт за нуклеарни истражувања (ОИНИ, Дубна, Русија) и на Ливерморската национална лабораторија „Лоренс‘‘ (Калифорнија, САД). Овој тим ги предложи називите „флеровиум“ (flerovium) и „ливермориум“ (livermorium), кои IUPAC сега и формално ги одобри‘‘, се вели во соопштението, објавено на сајтот на здружението.

На тој начин IUPAC ги прифати предлозите што пронаоѓачите ги дадоа во декември 2011 и им ги додели на елементите ознаките Fl и Lv. Оваа одлука ќе биде објавена во јулскиот број на официјалното издание на здружението, „Pure and Applied Chemistry“.

Георгиј Фљоров (1913-1990) бил советски нуклеарен физичар, стручњак во областа на делбата на атомското јадро, синтеза на нови хемиски елементи и истражувања на нови видови радиоактивност. Бил учесник во создавањето на советското нуклеарно оружје. Во 1940 година заедно со Константин Петржак откри нов вид радиоактивна трансформација: спонтана делба на јадрото на ураниумот. Благодарение на идеите на Фљоров во ОИНИ е добиена цела низа хемиски елементи.

Елементите со атомски број 114 и 116 за првпат се синтетизирани во цилотронот на Фљоровата лабораторија за нуклеарни реакции на ОИНИ. Експериментот го изведуваше тим руски научници на чело со академикот Јуриј Оганесјан, со учесто на американски колеги.

Елементот под број 114 е добиен во 2000 година во акцелератор за бомбардирање на плутониум со 242 јадра на калциум 48, додека елементот со реден број 116 е синтетизиран во 2004 година во реакција со калциум 48 и кириум 245.

Флеровиум го доби своето име во чест на Фљоровата лабораторија за нуклеарна еакција ОИНИ, која е признат лидер во областа на синтеза на супертешки елементи.

Ливермориум (Livermorium, Lv) како назив е предложен во чест на Ливерморската национална лабораторија „Лоренс“ и на градот Ливермор во Калифорнија, каде се наоѓа лабораторијата. Научниците на оваа лабораторија преку дваесет години учествуваат во експерименти на синтеза на нови елементи кои се вршат во Дубина.

Новиот заеднички работен тим, кој е основан од страна на раководителите на IUPAC, започна да работи на одредување на првенството во добивање други, засега безимени супертешки елементи под реден број 113, 115, 117 и 118. На пронаоѓачите на кои ќе им биде признаено првенството ќе добијат право да предложат називи за овие елементии.

Сите споменати елементи се синтетизирани и од научниците на ОИНИ.

Сите права ги задржува „Росијскаја Газета“.

нуклеарна русија руски научни институти нуклеарна физика