Нови правила на финансиска игра на УЕФА

Легендарниот Бразилец Роберто Карлос тренира во дресот на „Анжи“. Извор: РИА Новости, Алексеј Куденко.

Легендарниот Бразилец Роберто Карлос тренира во дресот на „Анжи“. Извор: РИА Новости, Алексеј Куденко.

Клубовите од Руската фудбалска премиер лига (РФПЛ) ќе мораат драстично а ги намалат трошоците и да најдат нови изводи на приходи. Како че се снајдат руските клубови со новите правила, според кои ќе мораат да трошат помалку одошто заработуваат?

Но­вите пра­ви­ла фор­мал­но ста­пија на сила во ја­ну­а­ри 2012: во текот на тригодишниот транзициски период, на европските клубови ќе им биде дозволена загуба од најмногу 45 милиони евра; по јули 2014 никој нема да смее да биде во минус.

УЕФА смета дека новите правула ќе ги ограничат трошоците на големите клубови и дека ќе ја прекинат практиката на помалите клубови да купуваат скапи играчи. Богатите сопственици на клубовите повеќе нема да можат да купуваат играчи со лични средства, а потоа на своите клубови да им ги отпишуваат долговите. Тие ќе моржат да им помагаат да на клубовите со изградба на нови стадиони или со отворање на фудбалски школи. „Сакаме средните клубови да престанат да ги трошат милионите што ги немаат‘‘, изјави претседателот на УЕФА.

Сиве овие мери непосредно се однесуваат и на Русија. Според специјалниот извештај на УЕФА од 2009 година, нашите клубови потрошиле 92% од своите средства на плати за фудбалерите и за тренерите. При ваква вознемирувачка статистика нема смисла воопшто да се зборува за профит.

Ге­не­рал­ниот ди­рек­тор на „ЦСКА“ Ро­ман Ба­баев по состанокот со раководителот на Одделението за лиценцирање клубови и финансиски фер-плеј на УЕФА, Андреј Траверс, из­ја­ви дека руските клубови „во целост ќе се вклопат во новата концепција‘‘ ако тие повнимателно се однесуваат кон своите расходи. „ЦСКА се трудеше секоја сезона да ја заврши на нула‘‘, вели Бабаев, и на клубот засега тоа му успева. „Локомотив‘‘, според зборовите на претседателката на клубот Олга Смородска, исто така нема поплаки на новите правила. Останатите тимови на РФПЛ навлегуваат во длабок минус, особено „Зенит‘‘ и „Анжи‘‘ од Махачкала, кои трошат неверојатни суми на трансфер на играчи.

За жал, само руските клубови се подготвени да издвојат 13 милиони евра за Унгарецот Балаж Џуџак, додека платата на најскапиот фудбалер на „Асанж‘‘ и на целата руска лига, Семјуел Ето, го надминува годишниот приход од продажба на рекламни артикли на амстердамскиот „Ајакс‘‘, кој е еден од најуспешните во Европа по тоа прашање. Додека руските туристи во Амстердам купуваат дресови на „Ајакс‘‘ со името на Дмитриј Буликин, Камерунецот купува уште еден мошне скап старински автомобил. Според податоците од најдоверливата Интернет-страница посветена на фудбалот (tran­sfer­markt.com), че­ти­ри од два­на­естте најскапи аранжмани за зимскиот период е склучен токму во Русија.

Ниту тренерите не заостануваат во заработувачката. Според податоците на „Газета дело спорт‘‘, платата на главниот тренер на „Зенит‘‘, Лучано Спалети, изнесува четири милиони евра. Сињор Лучано оваа плата никогаш не би можел да ја добие во својата татковина, дури ни во „Интер‘‘ од Милано, кој летово не сакаше да потроши толкави пари на него. Руд Гу­лит работеше во „Те­ре­к“ во Гро­зни, пре­столнината на Че­че­ни­ја, само пет ме­се­ци. По отпуштањето, Холанѓанецот доби толкава отпремнина што неколку години може и да не помислува на фудбал.

Огром­ни из­но­си за кратко време во Ру­си­ји до­би­ја и Ми­ха­ел Ла­у­друп, Не­вио Ска­ла, Ар­тур Жорж и Ху­ан­де Ра­мос. За­клу­чок: во Ру­си­ја засега доаѓаат по голема пла­та, но квалитетот на игра во домашното првенство не се зголемува.

Сѐ уште не е јасно како УЕФА ќе се однесува кон приходите што доаѓаат од спонзори. Имено, специфичност на руската лига се генеракните спонзори, кои истовремено се и акционери на клубовите, како и фактот дека многу клубови се финансираат од регионалните буџети.

Претседателот на „ЦСКА“ Ев­ге­ниј Ги­нер ги по­ддр­жу­ва но­вите ме­ри: „Ини­ци­ја­ти­вата на УЕФА му е нео­п­ход­на не са­мо на на­шиот клу­б, туку и ком­плет­но на ру­скиот фуд­ба­л. 90% од клу­бо­вите во на­шата зе­мја работат со загуба.“ Сли­чан став има и претседателот на „Ди­на­мо“ Ју­риј Исајев: „Ми се допаѓа иде­јата за фи­нан­сиски фер-пле­ј. Сега клу­бо­вите глав­но покажуваат тро­шоци, но струк­ту­рата на при­хо­дите ја чу­вааат како тај­на.“

Секако, ако ги погледнеме претераните расходи на „Ан­жи­“, клу­бот ко­ј минатото ле­то предизвика најголемо медиумско внимание сп своите трансфери, веднаш се поставува прашањето: како амбициозниот клуб од Махачкала воопшто ќе функционира при строга финансиска контрола од страна на европските фудбалски власти? Секако, Сулејман Керимов ќе му помогне на својот клуб, но како на тоа ќе реагира УЕФА?

Можно е новите околности да влијаат да тоа нашите тимови да им обратат поголемо внимание на домашните таленти. Овој фактор ие од голема важност, зашто светското првенство во фудбал во 2018 година ќе се одржи во Русија. Претседателот на Фудбалскиот сојуз на Русија, Сергеј Фурсенко, изјави дека целта на Русија е на домашен терен да стане светски првак. Бидејќи клучните играчи на најдобрите руски клубови се странци, кој ќе игра за нашата земја во 2018 година?

Сите права ги задржува „Росијскаја Газета“.