Русија со зголемена готовност за антитерористичка заштита

Националниот антитерористички комитет на Русија по трагедијата во Франција ги повика Русите да покажат поголема одговорност пред лицето на новите предизвици и закани.

Националниот антитерористички комитет на Русија (НАК) по терористичките напади во Париз апелира до Русите да покажат поголема одговорност и будност пред терористичката закана, соопшти прес-службата на комитетот, пренесува РИА „Новости“.

„Националниот антитерористички комитет ги повикува граѓаните на Руската Федерација да покажат поголема одговорност и будност пред лицето на новите предизвици и закани од страна на меѓународните терористички организации“, се вели во соопштението на комитетот.

НАК соопшти и дека е зголемена готовноста на сите системи за осигурување на безбедноста и потенцира дека за постигнување успех во борбата со тероризмот е потребно обединување на напорите на државата и општеството.



 

Сите права ги задржува „Росијскаја Газета“.