Кинеските медиуми се воодушевени од проектот за новиот руски носач на авиони

Рускиот носач на авиони од последна генерација 23000Е „Шторм”, чиј концепт беше претставен на форумот „Армија-2015“ поседува континуитет од претходните модели и индивидуалност, пишува кинескиот весник „Женмин жибао”.

Одбранбената индустија и истражувачките институти врз база на повеќегодишните испитувања на носачот на авиони „Адмирал Кузнецов” создадоа концептен проект за носач на авиони 23000E, „кој поседува континуитет со претходните модели, оригиналност, како и очигледните руски особини”, од кои се издвојуваат четирите најважни.

Како прво, тоа е неговата функција на поморски „аеродром“, како второ – неговата безбедност за полетувањето на авионите:  максималната ширина на полетната палуба надминува 80 метри.

Трета карактеристика е унапредениот дизајн на авион кој овозможува отпорот на водата да се намали за 20%, што ќе придонесе за брзината на бродот. Притоа е намалена потрошувачката на гориво, а зголемено е нивото на автономија и неговата способност за маневрирање. 

Четвртата карактеристика е присуството на авиони со радари со голем опсег.  

Воената морнарица на РФ соопшти дека првиот модерен носач на авиони ќе биде изграен до 2026-2027 година. 

 

Сите права ги задржува „Росијскаја Газета“.