Путин:Русија го задржа курсот на рубљата во прифатливи рамки

Русија го задржа во прифатливи рамки курсот на рубљата, без оглед на потешкотиите во светската економија, изјави претседателот на РФ Владимир Путин.

„Би сакал да истакнам дека, без оглед на сите потешкотии со кои се судира светската економија, а исто така и руската, сепак ние успеваме да ги задржиме фундаменталните основи на руската економија кои ги зацврстивме за изминатите 10-15 години“, изјави Путин на средбата на лидерите на БРИКС со претставниците на Деловниот совет.

Тој истакна дека Русија го задржува степенот на невработеност на доволно ниско ниво.„ Имаме позитивен трговски биланс и во прифатливи рамки успеваме да го задржиме курсот на националната валута. Сето ова ни дава потполна основа да тврдиме дека и денешните потешкотии заедно со нашите колеги ќе ги надминеме успешно“, изјави претседателот на РФ.

Сите права ги задржува „Росијскаја Газета“.