Маратонот на Путин од билатерални средби во Уфа почнува со разговори со шефови на пет држави

Следните три дена шефот на руската држава, покрај редовните настани на самитот, има закажано 11 билатерални и една трилатерална средба.

Претседателот на РФ Владимир Путин во среда во Уфа ќе започне со „маратонот“ од билатерални средби на маргините на самитот на БРИКС (Бразил, Русија, Кина и ЈАР) и Шангајската организација за соработка (ШОС). Како што соопшти помошникот на претседателот Јуриј Ушаков, рускиот претседател во следните три дена, покрај редовните настани, на самитот ќе има 11 билатерални и една трилатерална средба (Русија-Монголија-Кина).

Денеска рускиот лидер го очекуваат пет билатерални разговори: со претседателот на Кина Си Ѓинпин, со премиерот на  Индија Нарандра Моди, со претседателот на ЈАР Џејкоб Зума, како и со претседателот на Белорусија Александар Лукаашенко и претседателот на Таџикистан Емомали Рахмон.

За четврток се предвидени средби на Путинс претседателот на Иран Хасан Рохани, со претседателот на Казахстан Нурсултан Назарбаев и претседателката на Бразил Дилма Русеф. Освен тоа, ќе се одржи и трилатерална средба меѓу Владимир Путин, Си Ѓинпин и претседателот на Монголија Цахијагијн Елбегдорж.

За 10 јули се планирани билатерални средби со претседателите на Авганистан и Узбекистан Ашраф Гани и Ислам Каримов, како и со премиерот на Пакистан Наваз Шариф.

Од Кремљ истакнуваат дека агендата на рускиот претседател е преполна. „Јас,  искрено, дури и не знам како раководителите на земјите, а особено нашиот претседател, ќе го издржат тој напор“, изјави претходно Ушаков во програмата на „Русија 24“. Тој исто така на овие средби нема договорени теми и дека „лидерите можат да покренат секакво прашање“.  

 

Сите права ги задржува „Росијскаја Газета“.