Стратешките бомбардери на РФ ќе летаат во стратосферата

Tу-160

Tу-160

Press Photo
Модернизираните стратешки бомбардери Ту-160М2 ќе може да се крева во височина од 18.000 метри каде не може да ги загрози ниту еден постоечки систем за противвоздушна и противракетна одбрана.

Кон крајот на годинава Министерството за одбрана на РФ ќе ја добие првата партија на модернизираните мотори НК-32 за стратешките бомбардери-ракетоносци Ту-160М2.

Според производителот, новиот мотор ќе му овозможи на авионот да се крене во стратосферата, на височина од 18.000 метри.

„Новата верзија НК-32 може да работи и како авионски и како ракетен млазен мотор. На тој начин Ту-160М2 ќе може да се крене на височина на која не можат да го загрозат системите на непријателската противвоздушна одбрана“, вели за „Руска реч на македонски“ извор од военоиндустрискиот сектор.

Првиот лет на модернизираниот авион ќе биде изведен веќе во 2018 година.

Како што за „Руска реч на македонски“ изјавува Валериј Солозобов, заменик на генералниот директор на ОАД „Туполев“ за научноистражувачка и експериментално-конструкторски проекти, Ту-160М2 ќе добие принципиелно ново конструкторско решение, иако модернизираниот модел ќе го задржи претходниот облик.

Според командантот на воздушно-космисчките сили на РФ Виктор Бондарев, Министерството за одбрана планира да купи околу 50 авиони Ту-160М2.

Сериското производство ќе започне во 2021 година.

Зошто Русија го модернизира Ту-160?

Сега во Русија се работи на создавање на стратешки бомбардер од новата генерација - Перспективен комплекс на стратешката авијација (или скратено на руски ПАК ДА – заб. ред.). Но, конструирањето на модерното летало напредува бавно. Првиот пробен примерок ќе се појави дури од 2020 до 2025 година.

„Командата на воздушно-космичките сили на РФ сега подготвува 'среднорочна' замена за моделот ПАК ДА. На многу авиони од стратешката авијација наскоро им истекува работниот век, така што наместо нив ќе мора плански да се воведуваат нови модели“, вели за „Руска реч на македонски“ воениот аналитичар на весникот „Известија“ Дмитриј Литовкин.

Како што изјавува за „Руска реч на македонски“ извор во военоиндустрискиот сектор, овој проект ќе биде можеби една од најскапите програми на Министерството за одбрана на РФ во третата деценија на овој век, зашто според вредноста може да се спореди со изградба на нови нуклеарни поморници од проектот „Бореј“ со ракети од класата „Булава“. Со други зборови, ќе чини пет до седум милијарди американски долари.

Вооружување за Ту-160М2

Според мислењето на воените експерти, Ту-160М2 ќе се применува како оружје за одвраќање, но и за решавање на тековните задачи на Министерството за одбрана.

„Терминот 'ракетоносец' укажува на можноста бомбардерот да користи нуклеарни и конвенционални крстосувачки ракети, меѓу кои се и крстосувачките ракети со далечен дострел од новата генерација Х-101 и Х-555“, вели за „Руска реч на македонски“ поранешниот командант на руското воено воздухопловство и херој на Русија Петар Дајнекин.

Како што истакнува тој, авионот воедно ќе може да носи крстосувачки ракети Х-55СМ со однапред зададени координати на цели на теренот.

„Ту-160 може да ги носи сите видови атомски и обични бомби: противоклопни бомби, бомби за пробивање бункери, касетни бомби, морски мини итн. Вкупната тежина на проектилот и на бомбите изнесува 40 тони“, нагласува поранешниот командант.

Како што истакнува тој, новиот авион ќе може да ракетира објекти на потенцијалниот непријател, наоѓајќи се надвор од дострелот на постоечките средства за противвоздушна и противракетна одбрана.

Карактеристики на Ту-160Посада: 4 лицаДолжина на авионот: 54.1 мВисина на авионот: 13.1 мРаспон на крилата: 35.6/55.7 мТежина на празен авиона: 110.000 кгМаксимална тежина при полетување: 275.000 кгТежина со гориво: 148.000 кгМаксимална брзина:– 2.200 км/ч на висина од 10 км– 1.030 км/ч на висина од 3 кмРадиус на движење без дополнување гориво: 18.950 кмБорбен радиус: 6.000 кмПлафон на летот: 18.000 м

Сите права ги задржува „Росијскаја Газета“.

Овој веб-сајт користи колачиња. Кликнете овде за да дознаете повеќе.

Прифати колачиња