Зошто руското општество не е подготвено да ги прими бегалците?

Фаиз (името е променето) избегал од својата родна Сирија пред две години. Пристигнал во Русија со туристичка виза. Кога визата му истекла, побарал азил, но бил одбиен. Фаиз кој владее руски јазик, имал проблеми и со наоѓање работа. Никој не сакал да вработува „поинаков“ - израснат во друга културна средина, зборува на руски со силен акцент.

„Русија не ме прими. Не зборувам само за одбивањето за азил. Зборувам воопшто за руското општество. Луѓето гледаа на мене како на странец. Одбиваа да ми дадат живеалиште или пак бараа суми, три пати повисоки од пазарните цени - се сеќава Фаиз. - Многу луѓе ми велеа: Што бараш тука? Заминувај назад! Но, не сакам да се враќам. Сакам само едно - мирен и спокоен живот“.

Историјата на Фаиз е показател. Според извештајот на Amnesty International „Оценка на лојалноста кон бегалците“, Русите имаат највисока нетрпеливост спрема бегалците. Дури 33% од анкетираните Руси одговараат дека се подготвени да примат во својата земја луѓе што избегале од војни и прогони. Само 1% од нив се подготвени да прифатат бегалци во својот дом. Во рејтингот на лојалноста спрема бегалците Русите се покажаа со највисока нетрпеливост во светот.

Различен однос кон бегалците од Сирија и од Украина

Галина Негрустуева, советник за информатички прашања во ВКБ ОН (Високиот комесаријат на ОН за бегалци) (Communications / PI Associate) го поврзува ова делумно со активната пропаганда во руските медиуми, објавена за проблемите на Европа, предизвикани од бегалците. „Секој ден насекаде ни зборуваат и ни покажуваат дека бегалците претставуваат нешто лошо, дека многу од нив се криминалци и терористи, дека одат во Европа за да живеат лесен живот и да добиваат повисоки надоместоци. Како сакате по целата таа пропаганда Русите да се однесуваат со толеранција кон бегалците?“, Вели Негрустуева.

u0417u043eu0448u0442u043e u041du0410u0422u041e u0458u0430 u043eu0431u0432u0438u043du0443u0432u0430 u041cu043eu0441u043au0432u0430 u0437u0430 u0431u0435u0433u0430u043bu0441u043au0430u0442u0430 u043au0440u0438u0437u0430?

Друго прашање е односот на Русите кон бегалците од Украина, кои се поврзани со Русија со заедничко културно и историско минато.

Игор Солоденко, бегалец од Југоисточна Украина, пристигнал во Москва пред 2 години. На почетокот работел како курир, потоа како обезбедување. Солоденко со благодарност се сеќава за Русинката, во чиј продавница тој работел: „Таа ми помогна со храна и сместување. Многу сум ѝ благодарен. Воопшто, тука луѓето се многу приемчиви, иако бирократијата си е бирократија“.

Анастасија Јаримоха, која побегнала од Донецк, го споделува своето искуство: „Во основа односот кон нас насекаде беше многу добар. Ако се однесуваш како нормален, културен човек, сите се однесуваат позитивно и се подготвени да ти излезат пресрет. Тука ни се роди дете, многу локални жители ни помогнаа со детски предмети и со различни садови“.

Русите гледаат различно на бегалците од Украина и на бегалците од Блискиот Исток и од Африка.

„Бегалците од Југоисточна Украина во големо мнозинство се етнички Руси. Надворешно тие по ништо не се разликуваат. Никој не ги запира на улицата. А, и изливот на патриотски чувства во општеството во пролетта 2014 година, исто така, одигра своја улога. Мнозинството Руси се однесуваат со толеранција кон Украинците и се подготвени да им помогнат“, вели Светлана Ганушкина, претседател на комитетот „Граѓанска помош“, хуманитарна организација која обезбедува правна помош на бегалците и принудните емигранти.

Причината не е во ксенофобијата, ами во невработеноста

Михаил Черниш, доктор на социолошките науки од Институтот за социологија при Руската академија на науките, смета дека нетрпеливоста на Русите кон бегалците е поврзана со економската криза и со стравувањата дека бегалците можат да им ги одземат работните места.

u041au0430u043au043e u0436u0438u0432u0435u0430u0442 u0441u0438u0440u0438u0441u043au0438u0442u0435 u0431u0435u0433u0430u043bu0446u0438 u0432u043e u0420u0443u0441u0438u0458u0430

„Во Русија приливот на мигранти и бегалци предизвикува масовни отпуштања. За работодавецот е многу поевтино да ангажира илегален бегалец отколку локален жител. Проблемот не е во самите бегалци. Проблемот е во системот: нема ефикасни синдикати, правата на работниците не се бранат“, истакнува експертот.

За тоа зборува и искуството на Анастасија Јаримоха од Донецк: „Една жена во возот откако го слушна разговорот со мојот сопруг и кога дозна дека сме од Украина, ни рече дека ние ги срамиме и им ги одзема работата на Русите.

При тоа, според Михаил Черниш не може да се зборува дека за руското општество е карактеристична ксенофобијата. „Русија е мултинационална земја. Речиси сите од раното детство се опколени од луѓе од различни националности и вери. Тука воопшто не станува збор за ксенофобија“.

Според податоци од претставниците на ВКБ на ОН во Руската Федерација, во моментов 316.594 лица се со статус на бегалци или лица кои бараат азил. Поголемиот дел од нив дошле од Украина (312.504). Статусот „бегалец“ овозможува да се работи без дополнителна дозвола, патент или квота и да се добива пензија. Статусот нема рок, но лицата со ваков статус треба редовно повторно да се регистрираат кај миграциските органи, по правило, еднаш на две години. Според податоците на комитетот „Граѓанска помош“ во овој момент само двајца државјани од Сирија добиле во Русија статус на бегалец.

Сите права ги задржува „Росијскаја Газета“.