МО на РФ демантира дека гради нова воена база во Сирија

Министерството за одбрана на Русија ги негира информациите за наводното распоредување на „нова руска воена база на подрачјето на градот Африн во сириската провинција Алепо.

Ова се наведува во соопштението на Одделот за информација и масовни комуникации на рускиот одбранбен ресор, пренесува RT.

„Нема никакви планови за распоредување на територијата на Сириска Арапска Република на нови руски воени бази“, се вели во соопштението.

Претходно агенцијата „Ројтерс“ повикувајќи се на претставник на курдската милиција соопшти за поставувањето руска воена база на подрачјето на градот Африн.

„За спречување на кршењето на режимот на прекин на борбените дејствија, едно од одделенијата на рускиот Центар за помирување на завојуваните страни ќе биде распоредено во провинцијата Алепо кај населеното место Африн,  во областа на разграничување на одредите на курдската милиција и на формациите на Сириската слободна армија кои се под контрола на турската страна“, додава рускиот одбранбен ресор.

Се истакнува дека во согласност со руско-турскиот договор од 30 декември 2016 година, единиците на рускиот Центар за помирување на завојуваните страни на територијата на Сирија вршат деноноќен мониторинг на режимот на прекин на борбените дејствија.

Авторските права на материјалите се во сопственост на редакцијата. При објавувањето на материјали од порталот „Руска реч на македонски“ во друг медиум, задолжително треба да се постави активен линк кон страницата од која е преземен текстот.
+
Лајкнете нѐ на Фејсбук.