Герасимов и Данфорд се договорија за мерки за намалување на напрегнатоста

Денеска во Баку се одржа средба меѓу началникот на Генералштабот на ВС РС Валериј Герасимов и шефот на здружениот комитет на началниците на штабовите на ВС САД Џозеф Данфорд.

Началникот на Генералштабот на ВС РФ Валериј Герасимов и шефот на здружениот комитет на началниците на штабовите на ВС САД Џозеф Данфорд за време на нивниот состанок во Баку се договорија за мерки за намалување на напрегнатоста, се вели во соопштението на Министерството за одбрана на Русија.

Тие разговараа за состојбата на односите меѓу Русија и САД, а исто така разменија и „процени на ситуацијата во сферата на меѓународната безбедност во Европа, на Блискиот Исток, во Северна Африка и другите клучни региони во светот“, се вели во соопштението објавено на сајтот на Министерството за одбрана на Русија.

Во текот на разговорите страните ги дефинираа насоките на работа за зголемување на безбедноста во воената активност, како и за намалување на напрегнатоста и ризиците од настанување на инциденти. Покрај тоа, страните се договорија да одржуваат понатамошни контакти, пренесува „Взгљад“.

 

Авторските права на материјалите се во сопственост на редакцијата. При објавувањето на материјали од порталот „Руска реч на македонски“ во друг медиум, задолжително треба да се постави активен линк кон страницата од која е преземен текстот.
+
Лајкнете нѐ на Фејсбук.