Анкета: Повеќе од 70% Руси се задоволни од животот

09 јануари 2017

Руска реч на македонски

Ситуацијата во приватниот живот позитивно ја оцениле 72% од испитаниците, а ситуацијата во земјата - повеќе од половина од испитаниците, позитивен тренд покажува и индексот на општествените очекувања, соопшти Серускиот центарот за проучување на јавното мислење (ВЦИОМ).

„Тешката во многу аспекти 2016 година заврши за поголемиот дел од Русите со оптимистичка нота, што во голема мера се должи на позитивниот тренд забележан пред сѐ во политичката сфера“, ги коментираше резултатите од истражувањето раководителот на управата за мониторинг и изборни истражувања на ВЦИОМ Степан Лвов на сајтот на организацијата, пренесува „Взгљад“.

Странецот не го разбира она што Русинот го подразбира

„При крајот на годината политичкиот фактор го надмина негативното влијание на материјалниот фактор, кој преовладуваше над нас во текот на целата година“, истакна Лвов.

Анкетата на ВЦИОМ беше спроведена на 24-25 декември 2016 година во 130 населени места во 46 области, краеви и републики на 8 федерални окрузи на Русија. Беа анкетирани 1,6 илјади луѓе, статистичката грешка со веројатност од 95% не надминува 3,5%.

При користење на материјалите на Russia Beyond задолжителен е хиперлинк до изворот од кој е преземен материјалот.

руско општество анкета Накратко