Во Сирија со поддршка од ВКС Русија ликвидирани 35 илјади терористи

Како што истакна Министерството за одбрана на РФ, ликвидирани се 204 теренски командири на терористите.

35 илјади милитантни и 1,5 илјади единици воена техника се уништени во Сирија со поддршка од Воздушно-космичките сили на Русија, соопшти во средата Министерството за одбрана на Руската Федерација.

„Ликвидирани се 725 кампови за обука, 405 фабрики и погони за производство на муниција, 1,5 илјади единици воена техника на терористите, 35 илјади милитанти, меѓу нив - 204 теренски командири“, изјавија од Министерството за одбрана на РФ, пренесува „Интерфакс“.

Според МО РФ, од милитантите во Сирија се запленети 57 ракетни системи и 418 импровизирани ракетни системи, 410 минофрлачи и повеќе од 28 илјади парчиња огнено оружје.

„Исчистени и деактивирани се 26853 експлозивни предмети на 1 илјада 420 хектари. Во Сирија се доставени и предадени на локалното население десетици илјади тони хуманитарна помош, медицински материјали и предмети за основни потреби“, додаваат од рускиот одбранбен ресор.

 

Авторските права на материјалите се во сопственост на редакцијата. При објавувањето на материјали од порталот „Руска реч на македонски“ во друг медиум, задолжително треба да се постави активен линк кон страницата од која е преземен текстот.
+
Лајкнете нѐ на Фејсбук.