Новак: Транзитот преку „Северен тек“ е 1,5 пати поевтин од украинската рута

21 декември 2016

Руска реч на македонски

Транспортот на руски гас преку „Северен тек“ под Балтичкото Море ги чини земјите во Европа 1,5 пати поевтино од транзитот преку територијата на Украина, изјави министерот за енергетика на Русија Александар Новак.

„Испораката на гас преку „Северен тек“, преку трасата изградена пред неколку години, денес излегува околу 1,5 пати поевтина за европските потрошувачи од транспортот преку гасоводниот систем на Украина“, изјави Новак, пренесува „Взгљад“.

Гасоводот „Северен тек“

Претходно првиот човек на „Гаспром“ Алексеј Милер изјави за постоењето на голем број на ризици за транзитот на гас преку Украина до Европа. Тој соопшти дека во случај на несанкционирана дистрибуција на горивото, „Гаспром“ може да ги прекине испораките во ЕУ преку оваа траса.

Првиот крак на „Северен тек“ кој поминува на дното на Балтичкото море, беше пуштен во работа на 8 ноември 2011 година, вториот - во октомври 2012 година. Гасоводот се состои од два крака со должина од 1224 километри, со капацитет од 27,5 милијарди кубни метри гас годишно.

Сите права ги задржува „Росијскаја Газета“.

русија и еу енергетика русија и украина северен тек Накратко Русија и Украина