Во Адигеја најден сандак на „Аненербе“ со черепи од непознати суштества

05 декември 2016

Руска реч на македонски

Во археолошките ископувања на подрачјето на селото Каменоломостски во Адигеја е пронајден сандак со амблем на организацијата на Третиот рајх „Аненербе“ во кој се наоѓаат остатоци од мистериозни суштества, соопшти претседателот на регионалниот оддел на Руското географско друштво Игор Огај, пишува порталот „Взгљад“.

Череп без вилици, фронтални коски и вратот, отвор за 'рбетот на одреден начин асоцира на вонземјани, изјави Огај.

Откритијата потекнуваат од просторот на природниот резерват Голем Тхач, на кој се наоѓа етно-комплексот Беловодје. „Се обраќав до нашите научници со фотографија од черепите, сепак, не добив единствен одговор. Потребни се подетални проучувања“, рече Огај.

Женското лице на војната: Како советските жени ги надминувале воените предизвици

Активностите на „Аненербе“ беа концентрирани на археолошки, историски, па и окултни споменици.

Како што наведува „Адигеја Денес“ (Адыгея Сегодня), руските археолози тврдат дека черепите немаат никаква врска со вонземјани и дека би можело да се работи за черепи на овни кои водата и речниот песок ги деформирале и ги исфрлиле на брегот.

Целосниот назив на „Аненербе“ е „Германско друштво за истражување на древната германска историја и наследство на предците“. Оваа организација постоеше во Германија во периодот од 1935 до 1945 година, а е основана заради проучување на традицијата, историјата и наследството на таканаречената „германска раса“. Претседател на организацијата беше Хајнрих Химлер, пренесува „Взгљад“.

Сите права ги задржува „Росијскаја Газета“.

втора светска војна археологија Накратко Втора светска војна