Париз: Укинувањето на санкциите ќе значи победа за Русија

Францускиот министер за надворешни работи Жан-Марк Еро изјави дека укинувањето на санкциите против Москва ќе ги ослаби обидите за решавање на кризата во Украина и „ќе ѝ ја даде победата на Русија“.

„Тоа ќе ја ослаби целта на решавањето на конфликтот и ќе биде победа за оние кои ја загрозуваат безбедноста на земјата. Откажувањето од „Минската спогодба“ ќе биде грешка за нашите стратешки интереси“, изјави Еро, пренесува „Взгљад“.

На тој начин Еро призна дека во Украина се работи за геополитичка конфронтација меѓу Русија и Западот. За ова зборуваат руските политиколози, но претставници на западните политички кругови ги отфрлаат таквите формулации.

Кандидатот за претседател на Франција Франсоа Фијон изјави смета дека прашањето на санкциите против Русија треба да се реши, како и во случајот со Косово, преку преговори. Политиката на Париз спрема Москва последниве години тој ја нарече „неуспешна“ и повика на воспоставување на дијалог.

Претходно во вторникот полскиот министер за надворешни работи Витолд Вашчиковски не ја исклучи можноста санкциите на ЕУ против Русија можат да бидат проширени доколку не биде реализирана „Минската спогодба“.

Авторските права на материјалите се во сопственост на редакцијата. При објавувањето на материјали од порталот „Руска реч на македонски“ во друг медиум, задолжително треба да се постави активен линк кон страницата од која е преземен текстот.
+
Лајкнете нѐ на Фејсбук.