Путин двапати за два дена разговараше со Ердоган за Сирија

Претседателот на Русија Владимир Путин имаше телефонски разговор со турскиот лидер Реџеп Таип Ердоган.

„Денеска се одржа телефонски разговор меѓу претседателот на Руската Федерација Владимир Путин и претседателот на Република Турција Реџеп Ердоган, во текот на кој продолжи размената на мислења за ситуацијата во Сирија“, се вели во соопштението на прес-службата на Кремљ.

Според оценката на Кремљ, размената на мислења била конструктивна, пренесува „Лента.ру“.

Претходниот разговор меѓу шефовите на државите се одржа на 25 ноември на иницијатива на турската страна. Путин и Ердоган разговараа за трговско-економската соработка и ситуацијата во Сирија. Тие се договорија да продолжат да ги координираат напорите во борбата со меѓународниот тероризам.

Путин, исто така, му изрази на претседателот на Турција сочувство за загинувањето на турските војници во Сирија. На 24 ноември Анкара го обвини Дамаск за воздушен напад врз турските сили кои се наоѓаат на сириска територија во кој загинаа тројца војници, а уште 10 беа ранети.

 

Авторските права на материјалите се во сопственост на редакцијата. При објавувањето на материјали од порталот „Руска реч на македонски“ во друг медиум, задолжително треба да се постави активен линк кон страницата од која е преземен текстот.
+
Лајкнете нѐ на Фејсбук.