„На Линија“: Зошто „Брегзит“ и Трамп можат да бидат поништени?

Аналитичарот Виктор Мараховски од порталот „На Линија“ смета дека се работи за сосем нова појава во западниот свет, кога волјата на мнозинството се отфрла затоа што не е во склад со волјата на елитата.

Аналитичарот на порталот „На Линија” Виктор Мараховски пишува за реакцијата на медиумите и естаблишментот на Велика Британија во однос на „Брегзит“ и за можното укинување на волјата на народот во полза на владејачката елита.

„Угледниот британски политичар, поранешен премиер на Велика Британија Џон Мејџор  изјави дека „повторниот референдум за излегување од Европската унија без сомнение е можен“ и дека „48% од Британците кои гласаа против „Брегзит“ не треба да бидат жртви на тиранијата на мнозинството“. Слична изјава даде и Тони Блер.

Се работи за тоа дека по „Брегзит“ интензивно продолжува проевропската, т.е. антибрегзитовската пропаганда во британските медиуми, а одделни угледни личности веќе зборуваат за тоа дека референдумот би можел да биде „отпишан”, пишува аналитичарот.   

Британските медиуми се обидуваат да ја уфрлат во масовната свест убеденоста дека масите направиле огромна грешка и дека треба да се освестат и премислат пред да следуваат „катастрофални последици”.

Аналитичарот смета дека се работи за сосем нова појава во западниот свет, кога волјата на мнозинството се отфрла, затоа што не е во склад со волјата на елитата.

„Повеќе пати пишувавме дека демократијата во развиените земји од форма на владеење на народот последниве децении се претвори во имитирачка „фабрика за поддршка“ која се занимава со тоа што од масат ќе добие поддршка за сите одлуки на привилегираните професионалци“, се наведува во текстот. Аналитичарот проценува дека се работи за механизам за управување кој со стопостотна гаранција успева од масите да го добие резултатот што го посакуваат елитите, што е „антиутопија во најужасен облик“.

Авторот на текстот потсетува дека токму „Брегзит “ и изборите во САД претставуваа изненадување за елитите и покажаа дека системот за контрола на јавноста не е совршен и дека граѓаните сепак можат да гласаат спротивно на медиумскиот апарат.

Само се поставува прашањето дали овие одлуки на мнозинството ќе се одржат и покрај отпорот на естаблишментот и дали од медиумските норми на класното раслојување ќе се премине на „потврди“ форми кои волјата на мнозинството граѓани отворено ќе ја доведуваат во прашање и ќе ја укинуваат со одлука на владејачката каста.

Авторските права на материјалите се во сопственост на редакцијата. При објавувањето на материјали од порталот „Руска реч на македонски“ во друг медиум, задолжително треба да се постави активен линк кон страницата од која е преземен текстот.
+
Лајкнете нѐ на Фејсбук.