Кремљ го коментираше распоредувањето на ракети на Курилските острови

Претходно јапонскиот министер за надворешни работи Фумио Кишида изјави дека Јапонија ќе преземе „соодветни“ мерки како одговор на распоредувањето руски ракети на Курилските острови.

Распоредувањето на ракетни системи на Курилските острови нема да влијае на „центрипеталните тенденции“ во односите со Токио, кои се забележуваат сега поради подготовката на посетата на рускиот претседател на Јапонија, изјави портпаролот на претседателот на Русија Дмитриј Песков, пренесува РБК.​

„Препорачувам да го упатите прашањето до нашите колеги во Министерството за одбрана (на РФ). Се разбира, тоа има свои причини“, додаде Песков, одговарајќи на новинарско прашање дали е вистинско време да се распоредуваат ракети на Курилските Острови, имајќи ги предвид преговорите со Јапонија.

Во средата јапонскиот министер за надворешни работи Фумио Кишида изјави дека Јапонија ќе преземе „соодветни“ мерки како одговор на распоредувањето руски ракети на Курилските острови Итуруп и Кунашир. Според јапонскиот министер, со цел да се реши проблемот на распоредување на оружје на Курилските острови, страните „мора цврсто да го решат прашањето на северните територии“.

Авторските права на материјалите се во сопственост на редакцијата. При објавувањето на материјали од порталот „Руска реч на македонски“ во друг медиум, задолжително треба да се постави активен линк кон страницата од која е преземен текстот.
+
Лајкнете нѐ на Фејсбук.