Стејт департмент: Односите со Москва се витално важни за Вашингтон

Во моментов, Русија и САД имаат сложени односи, изјави портпаролот на Стејт департментот на САД Џон Кирби.

Портпаролот на Стејт департментот Џон Кирби изјави дека односите со Русија и понатаму се од витално значење за САД, и покрај сите противречности помеѓу властите на двете земји кои се појавија во последниве години, пренесува „Газета.ру“.

Според него, Русија и САД во моментов имаат сложени односи.

„Сепак, тоа се односи. А како ќе гледа на нив администрацијата што доаѓа, тоа ќе треба да го реши самата“, истакна Кирби.

Освен тоа, тој додаде дека, според мислењето на извршната власт на САД, „односите со Русија остануваат витално важни“ за Вашингтон.

„Има прашања за кои успеавме да постигнеме согласност, за кои успеавме да соработуваме, да работиме позитивно заради добри резултати. Иранскиот (нуклеарен) договор е едно од нив. И до неодамна се надевавме дека едно од нив може да биде и Сирија“, заклучи Кирби.

 

Авторските права на материјалите се во сопственост на редакцијата. При објавувањето на материјали од порталот „Руска реч на македонски“ во друг медиум, задолжително треба да се постави активен линк кон страницата од која е преземен текстот.
+
Лајкнете нѐ на Фејсбук.